कडबा कुट्टी मशीन योजना महाराष्ट्र

कडबा कुट्टी मशीन योजना अंतर्गत राज्य सरकार पशुपालकांना कडबा कुट्टी मशीन खरेदी करण्यासाठी 10 हजारांचे आर्थिक सहाय्य देते. कडबा कुट्टी मशीन ची साधारणतः किंमत ही 20 हजार रुपयांपर्यंत आहे त्यामुळे शेतकऱ्यांना 50 टक्के अनुदान उपलब्ध करून दिले जाते व त्यामुळे अतिरिक्त रक्कम ही लाभार्थ्यांना स्वतःजवळील भरणे आवश्यक आहे.

महाराष्ट्रातील ग्रामीण भागातील बहुतांश नागरिकांचा शेती हा एक पारंपारिक व्यवसाय आहे त्यामुळे शेती सोबत ते पशुपालन व्यवसाय करतात काही शेतकऱ्यांकडे शेती करण्यासाठी कमी जागा असते त्यामुळे ते मोठ्या प्रमाणात पशुपालन व्यवसाय करतात. परंतु पशुपालन व्यवसाय करताना त्यांना खूप साऱ्या समस्यांचा सामना करावा लागतो. गाय, म्हैस यांना खायला मोठ्या प्रमाणात हिरवा चारा द्यावा लागतो त्यामुळे त्यांना दिला जाणारा हिरवा चारा हा कापावा लागतो यासाठी खूप सारे कष्ट करावे लागतात परंतु चारा कापण्यासाठी त्यांच्याजवळ कुठल्याही प्रकारचे साधन उपलब्ध नसल्यामुळे त्यांना खूप साऱ्या अडचणींचा सामना करावा लागतो. सर्वात महत्त्वाची बाब म्हणजे जनावरांच्या चाऱ्याचे व्यवस्थापन. वाळलेला किंवा ओला चारा (कडबा, मका, नेपिअर, घास) जनावरांना तसाच दिल्यास त्याचा मोठा भाग वाया जातो आणि जनावरांना पचनासाठीही त्रास होतो त्यामुळे राज्यातील पशुपालकांच्या पशुपालन करताना येणाऱ्या समस्यांचा विचार करून त्यांच्यासाठी कडबा कुट्टी मशीन योजना सुरु करण्याचा महत्वाचा निर्णय घेतला.

गुरांसाठी हिरवा चारा देण्याआधी चारा कापावा लागतो परंतु शेतकऱ्यांजवळ चारा कापण्यासाठी कुठल्याच प्रकारचे साधन उपलब्ध नसल्याकारणामुळे हाथाने चारा कापावा लागतो ज्यामध्ये खूप वेळ लागतो तसेच खुप सारी मेहनत करावी लागतो आणि यामुळे शेतकऱ्यांना दुखापत सुद्धा होते. शेतकरी हा आर्थिक दृष्ट्या गरीब असल्यामुळे तो चारा कापण्याची मशीन खरेदी करण्यासाठी असमर्थ असतो त्यामुळे शेतकऱ्यांना चारा कापण्यासाठी आवश्यक 2 एचपी विद्युतचलित कडबा कुट्टी मशीन खरेदी करण्यासाठी 50 टक्के अनुदान दिले जाते. जेणेकरून शेतकरी जलद गतीने चारा कापू शकतो व त्यामुळे त्याच्या वेळेची बचत होईल.

कडबा कुट्टी मशीन योजना सुरु करण्यामागचे मुख्य उद्दिष्ट

• वेळ आणि श्रमाची बचत: हाताने चारा कापण्यासाठी खूप वेळ व शारीरिक मेहनत लागते. मशीनच्या वापरामुळे काही मिनिटांत संपूर्ण चारा कापून होतो.
• शेतकऱ्यांना तसेच पशुपालकांना पशु पालनासाठी प्रोत्साहित करणे तसेच राज्यातील इतर नागरिकांना पशुपालनासाठी प्रोत्साहित करणे.
• शेतकऱ्यांना पशुपालन क्षेत्रात आधुनिक तंत्रज्ञानाचा वापर करून देणे.
• शेतकऱ्यांना शेती कार्यात तसेच पशुपालन कार्यात तेजी निर्माण करून देणे.
• चाऱ्याची नासाडी रोखणे: कडबा कुट्टी मशीनद्वारे चाऱ्याचे बारीक तुकडे होतात. यामुळे जनावरे सर्व चारा खातात आणि चाऱ्याची २५% ते ३०% होणारी नासाडी वाचते.
• पशुजनावरांचे आरोग्य व दूध उत्पादन वाढ: बारीक कुट्टी केलेला चारा जनावरांना पचायला सोपा जातो. यामुळे जनावरांचे पोषण उत्तम होऊन दूध उत्पादनात वाढ होते.

कडबा कुट्टी मशीन योजनेचे वैशिष्ट्य

• शेतकऱ्यांना दिली जाणारी अनुदानाची राशी थेट त्याच्या बँक खात्यात DBT च्या सहायाने जमा करण्यात येईल.
• या योजनेअंतर्गत अर्ज प्रक्रिया ऑनलाईन ठेवण्यात आलेली आहे त्यामुळे शेतकरी बिना अडचणींशिवाय स्वतःच्या मोबाईल च्या सहाय्याने अर्ज करू शकतो त्यामुळे त्याला कुठल्याच सरकारी कार्यालयाच्या फेऱ्या मारण्याची गरज भासणार नाही त्यामुळे त्याच्या वेळेची तसेच पैशाची बचत होईल.
• शेतकरी तसेच पशुपालक ऑफलाईन ने सुद्धा योजनेअंतर्गत अर्ज करू शकतो.

कडबा कुट्टी मशीन योजनेचा शेतकऱ्यांना होणारा फायदा

• मशीनच्या सहाय्याने चारा हा जलद गतीने व नासाडी न होता कापता येतो,
• यंत्राच्या सहाय्याने चाऱ्याची कापणी केल्यामुळे चारा बारीक कापता येतो त्यामुळे जनावरांना चारा खाण्यास सोपे व सहज होते.
• शेतकऱ्यांना 50 टक्के अनुदानावर कडबा कुट्टी मशीन मिळेल किंवा 10 हजार रुपये दिले जातील.
• शेतकरी तसेच राज्यातील इतर नागरिक पशुपालन करण्यासाठी प्रोत्साहित होतील तसेच पशुपालन व्यवसाय करण्यासाठी आकर्षित होतील.
• शेतकऱ्यांचा आर्थिक विकास होईल.
• चारा कापण्यासाठी मशीन मिळाल्यामुळे शेतकऱ्यांना हाथाने चारा कापण्याची गरज भासणार नाही त्यामुले त्यांच्या वेळेची बचत होईल.

कडबा कुट्टी मशीन योजना अंतर्गत आर्थिक सहाय्य व अनुदान

या योजनेअंतर्गत शेतकरी तसेच पशुपालकांना 2 एचपी विद्युतचलित क्षमतेचे कडबा कुट्टी मशीन खरेदी करण्यासाठी 20 हजार रुपये किंवा 50 टक्के अनुदान दिले जाते.

मशीनचा प्रकार

कडबा कुट्टी मशीन योजनेअंतर्गत प्रामुख्याने २ एचपी क्षमतेच्या मशीन साठी अनुदान दिले जाते.

अनुदान वितरण पद्धत

अनुदानाची रक्कम लाभार्थ्याच्या आधार संलग्न बँक खात्यात DBT च्या सहाय्याने जमा केली जाते.

कडबा कुट्टी मशीन योजनेचे लाभार्थी कोण आहेत

राज्यातील शेतकरी तसेच पशुपालक जे पशुपालन व्यवसाय करतात

लाभार्थ्यांची निवड

लाभार्थ्यांची निवड करताना त्यामध्ये 30 टक्के महिला लाभार्थ्यांचा व 3 टक्के अपंग लाभार्थ्यांचा समावेश केला जाईल.

कडबा कुट्टी मशीन अनुदान योजना अंतर्गत आवश्यक पात्रता व अटी, शर्ती

• अर्जदार हा महाराष्ट्र राज्याचा मूळ रहिवाशी असणे आवश्यक आहेत.
• अर्जदाराकडे पशु असणे आवश्यक आहे.
• अर्जदाराच्या नावे ७/१२ आणि ८-अ उतारा असणे आवश्यक आहे.
• फक्त ग्रामीण भागातील नागरिकांनाच या योजनेचा लाभ दिला जाईल.
• अर्जदाराजवळ कमीत कमी 2 जनावरे असणे आवश्यक आहे.
• अर्जदाराच्या कुटुंबाची वार्षिक मिळकत 2 लाखांपेक्षा जास्त असता कामा नये.
• योजनेचा लाभ मिळवण्यासाठी अर्जदाराला ऑनलाईन किंवा ऑफलाईन अर्ज करणे आवश्यक आहे.
• योजनेअंतर्गत दिली जाणारी कडबा कुट्टी मशीन लाभार्थ्याला विकता येणार नाही.
• अर्जदाराचे बँक खाते आधार कार्ड सोबत लिंक असणे आवश्यक आहे.
• सदरचे कडबाकुट्टी यंत्र हे भारतीय मानक संस्थेच्या प्रमानकानुसार असावे.
• अर्जदाराने गेल्या ५ ते १० वर्षांत शासनाच्या कोणत्याही योजनेतून कडबा कुट्टी मशीनचा लाभ घेतलेला नसावा.
• मुंबई व मुंबई उपनगर या योजनेतून वगळण्यात आलेले आहेत.
• केंद्र पुरस्कृत वैरण व पशुखाद्य कार्यक्रम तसेच, राष्ट्रीय पशुधन अभियानांतर्गत ज्या लाभार्थ्यांना यापुर्वी विद्युतचलित कडबाकुट्टी यंत्रांचा पुरवठा करण्यात आलेला आहे. अशा लाभार्थ्यांना या प्रकल्पामधुन लाभ देता येणार नाही.

कडबा कुट्टी मशीन योजना महाराष्ट्र अंतर्गत आवश्यक कागदपत्रे

• आधार कार्ड
• रहिवाशी दाखला
• अनुसूचित जाती / जमाती प्रवर्गातील शेतकऱ्यांसाठी जातीचे प्रमाणपत्र
• बँक खात्याचा तपशील
• मोबाईल नंबर
• ई-मेल आयडी
• उत्पन्नाचा दाखला / स्वयंघोषणापत्र
• कडबा कुट्टी मशीन खरेदी केल्याचे बिल
• जनावरांचा विमा केल्याचे प्रमाणपत्र

योजनेअंतर्गत निवड झाल्यानंतर लागणारी कागदपत्रे

• मान्यताप्राप्त डीलरचे कोटोशन
• मशीनचे जीएसटी बिल
• मशीनचे टेस्ट रिपोर्ट

कडबा कुट्टी मशीन योजना अंतर्गत ऑनलाईन अर्ज करण्याची पद्धत

• अर्जदाराला महाराष्ट्र शासनाच्या अधिकृत वेबसाईट वर जावे लागेल.
• होम पेज वर गेल्यावर अर्जदाराला आपल्या User Name आणि Password च्या सहाय्याने लॉगिन करावे लागेल. जर तुम्ही User Name आणि Password बनवला नसेल तर तुम्हाला नवीन अर्जदार नोंदणी या पर्यायावर क्लिक करून स्वतःची नोंदणी करावी लागेल.





• लॉगिन केल्यावर तुम्हाला शेती योजना वर क्लिक करावे लागेल.
• आता तुमच्यासमोर शेतकऱ्यांसाठी सुरु करण्यात आलेल्या सर्व योजनांची लिस्ट दिसेल त्यामध्ये तुम्हाला कडबा कुट्टी मशीन योजना वर क्लिक करावे लागेल.
• आता तुमच्यासमोर या योजनेचा अर्ज उघडेल त्यामध्ये विचारलेली सर्व माहिती भरून सोबत आवश्यक कागदपत्रे अपलोड करून Submit बटनावर क्लिक करावे लागेल.
• अशा प्रकारे तुमची या योजनेअंतर्गत अर्ज प्रक्रिया पूर्ण होईल.

कडबा कुट्टी मशीन योजना अंतर्गत ऑफलाईन अर्ज करण्याची पद्धत

• अर्जदाराला आपल्या क्षेत्रातील ग्रामपंचायत कार्यालयात किंवा जिल्हा कार्यालयात पशु संवर्धन विभागात जाऊन या योजनेचा अर्ज घ्यावा लागेल.
• अर्जात विचारलेली सर्व माहिती अचूक भरून सोबत आवश्यक कागदपत्रे जोडावी लागतील.
• भरलेला अर्ज जमा करावा लागेल.
• अशा प्रकारे तुमची या योजनेअंतर्गत ऑफलाईन अर्ज प्रक्रिया पूर्ण होईल.

महाराष्ट्र कडबा कुट्टी मशीन योजना अंतर्गत अर्ज रद्द होण्याची कारणे

• अर्जदार महाराष्ट्र राज्याचा मूळ रहिवाशी नसल्यास
• अर्जदाराजवळ जनावरे नसल्यास
• अर्जदाराने केंद्र शासन किंवा राज्य शासनाच्या एखाद्या योजनेअंतर्गत कडबा कुट्टी मशीन चा लाभ मिळवला असल्यास
• अर्जदाराने अर्जात खोटी माहिती भरली असल्यास

महाराष्ट्र कडबा कुट्टी मशीन योजना शासन निर्णय येथे क्लिक करा

MahaDBT Portal

निवड आणि अनुदान मिळण्याची प्रक्रिया

• लॉटरीद्वारे निवड: अर्ज प्राप्त झाल्यानंतर कृषी विभागाद्वारे ऑनलाईन लॉटरी पद्धतीद्वारे लाभार्थ्यांची निवड केली जाते.
• SMS द्वारे माहिती: निवड झालेल्या शेतकऱ्याला त्यांच्या नोंदणीकृत मोबाईल क्रमांकावर SMS पाठवला जातो.
• कागदपत्रे अपलोड: निवड झालेल्या शेतकऱ्याने महाडीबीटी पोर्टलवर कोटेशन आणि आवश्यक कागदपत्रे अपलोड करावीत.
• पूर्वसंमती पत्र: तालुका कृषी अधिकाऱ्यांकडून कागदपत्रांची पडताळणी झाल्यावर शेतकऱ्याला ऑनलाईन 'पूर्वसंमती पत्र' दिले जाते.
• मशीन खरेदी व तपासणी: पूर्वसंमती मिळाल्यानंतर मान्यताप्राप्त डीलरकडून मशीन खरेदी करून त्याचे जीएसटी बिल व टेस्ट रिपोर्ट पोर्टलवर अपलोड करावे. त्यानंतर कृषी अधिकारी शेतावर येऊन मशीनची पाहणी करतात
• अनुदानाची रक्कम: सर्व प्रक्रिया योग्य आढळल्यास अनुदानाची रक्कम थेट शेतकऱ्याच्या बँक खात्यात जमा केली जाते.

सारांश

आम्ही आशा करतो कि तुम्हाला कडबा कुट्टी मशीन योजना ची संपूर्ण माहिती मिळाली आहे तरी सुद्धा तुमचे योजनेसंबंधी काही प्रश्न असल्यास आम्हाला कंमेंट्स किंवा ई-मेल द्वारे नक्की कळवा आम्ही लवकरात लवकर 24 तासाच्या आत तुमच्या प्रश्नांची उत्तरे देण्याचा नक्की प्रयत्न करू आणि आमचे हे आर्टिकल फेसबुक तसेच इतर सोशल मीडिया वर शेयर करा जेणेकरून सर्वांपर्यंत हि माहिती पोहचेल.