ई पीक पाहणी ऑनलाईन नोंदणी कशी करावी | E Pik Pahni Online Registration

ई-पीक पाहणी ऑनलाईन नोंदणी ही महाराष्ट्र शासनाने शेतकऱ्यांसाठी सुरू केलेली एक डिजिटल सुविधा आहे. या माध्यमातून शेतकरी स्वतःच्या शेतातील पिकांच्या माहितीची ऑनलाईन पद्धतीने नोंदणी करू शकतात. यामुळे शेतकऱ्यांना शेतीविषयक योजनांचा लाभ मिळवण्यास तसेच सरकारी मदत वेळेवर मिळण्यास मदत होते.

ई-पीक पाहणी अंतर्गत पिकांची ऑनलाईन नोंदणी करण्यामागची उद्दिष्टे

महाराष्ट्र शासनाने ई-पीक पाहणी च्या माध्यमातून पिकांची ऑनलाईन नोंदणी सुरू करण्यामागील मुख्य उद्दिष्टे पुढीलप्रमाणे आहेत:

शेतीविषयक अचूक माहितीचे संकलन:

राज्यातील विविध पिकांची वास्तव स्थिती जाणून घेण्यासाठी शेतकऱ्यांकडून थेट माहिती संकलित करणे.
हवामान बदल, पिकांचे उत्पादन आणि शेती क्षेत्राचा अभ्यास करण्यासाठी तांत्रिक आधार तयार करणे.

शासनाच्या कृषी धोरणांसाठी मदत:

शेतीसंबंधी धोरणे आणि योजनांची अंमलबजावणी करण्यासाठी अचूक माहिती उपलब्ध करणे.
पीकविमा, अनुदान, अनुदानित बियाणे आणि खतांसाठी शेतकऱ्यांना तात्काळ लाभ उपलब्ध करून देणे.

नैसर्गिक आपत्तीमध्ये मदत:

दुष्काळ, पुर, गारपीट किंवा अन्य नैसर्गिक आपत्तीमुळे झालेल्या नुकसानीचे त्वरित सर्वेक्षण करून शेतकऱ्यांना मदत उपलब्ध करून देणे.
नुकसानीच्या भरपाईसाठी त्वरित निर्णय घेणे आणि नुकसानग्रस्त शेतकऱ्यांना मदत पोहोचवणे.

शेतकऱ्यांना पारदर्शक आणि सुलभ प्रक्रिया उपलब्ध करणे:

तलाठी, कृषी अधिकारी किंवा इतर मध्यस्थांवर अवलंबून न राहता शेतकऱ्यांना थेट ऑनलाईन माहिती नोंदवण्याची सुविधा देणे.
पारदर्शकता वाढवून शेतीसंबंधी निर्णय प्रक्रियेत शेतकऱ्यांचा थेट सहभाग वाढवणे.

डिजिटल शेतीचा विकास आणि अचूक माहितीचे व्यवस्थापन:

आधुनिक तंत्रज्ञानाच्या मदतीने कृषी क्षेत्राचा विकास करणे.
पीक उत्पादन आणि बाजारपेठेतील मागणी याचा आढावा घेऊन भविष्यातील शेती धोरण ठरविणे.

वेळ आणि पैशांची बचत:

शेतकऱ्यांना तलाठ्यांकडे वारंवार फेऱ्या मारण्याची गरज भासू नये.
शेतकऱ्याचा वेळ आणि पैसे दोघांची बचत करणे.

ई-पीक पाहणी नोंदणीचे फायदे:

शासनाच्या योजनांचा लाभ: पीकविमा, शेतीसाठी अनुदान आणि नुकसान भरपाई यांसाठी त्वरित मदत मिळणे सोयीस्कर ठरते.
स्पष्ट आणि पारदर्शक प्रक्रिया: भ्रष्टाचार आणि त्रुटी कमी होतात.
वेळ आणि पैशांची बचत: तलाठी कार्यालयामध्ये वारंवार फेऱ्या मारण्याची गरज भासत नाही त्यामुळे शेतकऱ्यांचा पैसे आणि वेळेची बचत होते.
पीक नुकसानीसाठी मदत: नैसर्गिक आपत्तीमुळे शेती पिकांचे नुकसान झाल्यास नुकसान भरपाईसाठी नोंदणी आवश्यक.

महत्त्वाचे दस्तऐवज:

आधार कार्ड
सातबारा उतारा (7/12)
शेतीचा नकाशा किंवा पिकाचा फोटो
बँक खाते तपशील (योजनांचा लाभ घेण्यासाठी)

ही प्रक्रिया पूर्ण केल्यानंतर शेतकऱ्यांना अधिकृत पावती मिळते, जी भविष्यात पीकविमा व नुकसानभरपाई यांसाठी उपयोगी ठरते.

ई पीक पाहणी अँप च्या सहाय्याने बांधावरची झाडे नोंदवण्याची पद्धत

शेतकऱ्याला सर्वात प्रथम Google Play Store वर जावे लागेल व E-Pik Pahani ई-पीक पाहणी (DCS) अँप Install करायचा आहे.

अँप Install झाल्यावर तो Open करायचा आहे.

आता तुम्हाला तुमच्या मोबाईल मधील Photo आणि Media च्या Access साठी Permission मागेल त्यासाठी Allow वर क्लिक करायचे आहे.

आता तुम्हाला तुमच्या Mobile च्या Location साठी Permission द्यावे लागेल त्यासाठी While Using This App व क्लिक करावे लागेल.

आत तुम्हाला फोटो आणि विडिओ साठी Permission द्यावे लागेल त्यासाठी While Using This App व क्लिक करावे लागेल.

आता तुमच्यासमोर एक नवीन पेज उघडेल त्यामध्ये तुम्हाला तुमचा विभाग निवडायचा आहे.

तुमच्या विभागाची निवड केल्यावर Right Arrow वर क्लिक करायचे आहे.

आता तुमच्यासमोर एक नवीन पेज उघडेल त्यामध्ये तुम्हाला लॉगिन पद्धत निवडायची आहेत त्यासाठी तुम्हाला शेतकरी म्हणून लॉगिन करा वर क्लिक करायचे आहे.

आता तुम्हाला तुमचा मोबाईल क्रमांक टाकून पुढे जा बटनावर क्लिक करायचे आहे.

आता तुमच्यासमोर एक नवीन पेज उघडेल त्यामध्ये तुम्हाला तुमचा जिल्हा, तालुका व गावाची निवड करायची आहे व Right Arrow वर क्लिक करायचे आहे.

आता तुमच्यासमोर एक नवीन पेज उघडेल त्यामध्ये तुम्हाला तुमचे खाते शोधायचे आहे तुम्ही तुमचे पहिले नाव, मधले नाव, आडनाव, खाते क्रमांक, गट क्रमांक टाकून खाते शोधू शकता. तुम्ही निवडलेल्या पर्यायानुसार माहिती भरा आणि शोध बटनावर क्लिक करा.

आता तुमच्यासमोर एक नवीन पेज उघडेल त्यामध्ये तुम्हाला खातेदार निवड मध्ये तुमच्या खातेदाराची निवड करायची आहे आणि Right Arrow वर क्लिक करायचे आहे.

आता तुमच्यासमोर एक नवीन पेज उघडेल त्यामध्ये तुम्हाला खातेदाराचे नाव व खाते क्रमांक दिसेल आता तुम्हाला तुमच्या खाते क्रमांकाची निवड करायची आहे आणि Right Arrow वर क्लिक करायचे आहे.

आता तुमच्यासमोर एक नवीन पेज उघडेल त्यामध्ये तुम्हाला तुमचा मोबाईल क्रमांक दिसेल तुमचा मोबाईल क्रमांक योग्य असल्याची खात्री करून घ्या व तो योग्य असल्यास पुढे वर क्लिक करा (जर तुमचा मोबाईल क्रमांक चुकीचा असेल किंवा तो बदलायचा असेल तर मोबाईल क्रमांक बदला वर क्लिक करून तो बदलून घ्या.)

आता तुम्हाला एक मेसेज दिसेल तुमची नोंदणी आधीच झालेली आहे. तुम्हाला पुढे जायचे आहे का? तुम्हाला होय वर क्लिक करायचे आहे.

आता तुमच्यासमोर एक नवीन पेज उघडेल त्यामध्ये तुम्हाला खातेदाराचे नाव निवडायचे आहे आणि तुमचा सांकेतांक टाकायचा आहे. (जर तुम्ही तुमचा सांकेतांक नंबर विसरला असाल तर सांकेतांक विसरलास? वर क्लिक करा तुम्हाला तुमचा सांकेतांक दिसेल.)

आता तुमच्यासमोर एक नवीन पेज उघडेल त्यामध्ये तुम्हाला बांधावरची झाडे नोंदवा वर क्लिक करायचे आहे.

आता तुमच्यासमोर एक नवीन पेज उघडेल त्यामध्ये तुम्हाला विचारलेली सर्व माहिती भरायची आहे आणि Right Arrow बटनावर क्लिक करायचे आहे.

आता तुमच्यासमोर एक नवीन पेज उघडेल त्यामध्ये तुम्हाला तुम्ही भरलेली सर्व माहिती दिसेल ती अचूक असल्याची खात्री करायची आहे व सर्व माहिती अचूक असल्यास पुढे बटनावर क्लिक करायचे आहे.

आता तुमची माहिती अपलोड झाल्याचा एक मेसेज दिसेल (झाडांची माहिती साठवली आणि अपलोड झाली आहे.) त्यामध्ये ठीक आहे वर क्लिक करायचे आहे.

आता तुमच्यासमोर एक नवीन पेज उघडेल त्यामध्ये तुम्ही बांधावरच्या झाडांची भरलेली माहिती पाहू शकता किंवा त्यामध्ये बदल करू शकता किंवा ती नष्ट करू शकता.

ई-पीक पाहणी अ‍ॅपच्या सहाय्याने बांधावरची झाडे नोंदविताना येणाऱ्या अडचणी

महाराष्ट्र शासनाच्या ई-पीक पाहणी अ‍ॅप च्या मदतीने शेतकरी त्यांच्या शेतातील पीक तसेच बांधावरची झाडे नोंदवू शकतात.मात्र या प्रक्रियेत खालीलप्रमाणे काही अडचणी येऊ शकतात:

तांत्रिक अडचणी:

अ‍ॅप कार्यरत न होणे किंवा स्लो होणे: ग्रामीण भागातील इंटरनेट कनेक्टिव्हिटी कमी असल्यामुळे अ‍ॅप लोड होण्यास वेळ लागू शकतो.
जीपीएस लोकेशन अचूक न मिळणे: काही वेळा जीपीएस योग्यरीत्या कार्य करत नाही त्यामुळे झाडांचे स्थान नोंदवताना अडचण येते.
फोटो अपलोड करण्यास समस्या: झाडांचा स्पष्ट फोटो काढून अपलोड करणे आवश्यक असते परंतु इंटरनेट स्पीड कमजोर असल्यास फोटो अपलोड होत नाही.

माहिती भरताना होणाऱ्या समस्या:

बांधावरील झाडांची गणना करताना अडचण: काही ठिकाणी मोठ्या संख्येने झाडे असल्यामुळे योग्य गणना करणे कठीण जाते.
झाडांचे प्रकार ओळखण्यात अडचण: काही शेतकऱ्यांना विशिष्ट झाडांची अचूक नोंद करणे कठीण जाते.
सातबारा उताऱ्यावर झाडांची माहिती नसणे: काहीवेळा सातबारा उताऱ्यावर झाडांचे अस्तित्व नोंदलेले नसते त्यामुळे ती माहिती भरताना गोंधळ होतो.

प्रशासनाशी संबंधित अडचणी:

तलाठी किंवा कृषी अधिकारी यांच्याकडून विलंब: झाडांची नोंदणी पूर्ण झाल्यानंतर ती मान्य करण्यासाठी अधिकाऱ्यांकडून विलंब होऊ शकतो.
शेतकऱ्यांमध्ये जागरूकतेचा अभाव: अनेक शेतकऱ्यांना ई-पीक पाहणी अ‍ॅपचा वापर करण्याचे पूर्ण ज्ञान नसते त्यामुळे चुकीची माहिती भरली जाऊ शकते.

नैसर्गिक व भौगोलिक अडचणी:

दाट झाडी किंवा खडकाळ प्रदेशात जीपीएस काम न करणे: अशा ठिकाणी अ‍ॅप योग्यरित्या कार्य करत नाही.
झाडांची उंची आणि छाटणीमुळे ओळखण्यात अडचण: काही वेळा झाडे छाटणीमुळे लहान वाटतात आणि चुकीची नोंद होते.

लक्षात ठेवा:

ई पीक पाहणी अ‍ॅप अपडेट ठेवा आणि चांगल्या इंटरनेट नेटवर्कचा वापर करा.
झाडांची योग्य गणना करा तसेच फोटो व्यवस्थित अपलोड करा.
काही अडचण आल्यास शासनाच्या कृषी विभागाला संपर्क करून योग्य मार्गदर्शन घ्या

निष्कर्ष:

ई-पीक पाहणी अंतर्गत पिकांची ऑनलाईन नोंदणीमुळे शेतकऱ्यांना तातडीने आणि अचूक सरकारी मदत मिळते पारंपरिक प्रक्रियांतील त्रुटी कमी होतात आणि राज्यातील कृषी व्यवस्थापन अधिक प्रभावी होते.